Аз ҷангҳои Афғонистон ҳамеша хазинаи низомии Покистон ғанӣ шудааст.
Мулло Яъқуб, писари Мулло Умар, асосгузор ҳаракати "Толибон", ки ҳоло вазири дифоъи "Иморати исломӣ" аст, аз Тоҷикистону Ӯзбекистон хост, ки чархболу тайёраҳои низомии бурдашуда аз сӯи пилотҳои ҳукумати собиқро баргардонанд. Ҷолиб ин аст, ки ӯ аз Покистон ҳарф намезанад.
Ин бори дуввум аст, ки Покистон ба дасти парвардаҳои "ҷиҳодӣ" - аш соҳиби силоҳу муҳимот ва техникаҳои ҷангии қудратҳои ҷаҳонӣ мешавад. Пас аз хуруҷи нерӯҳои Иттиҳоди Шӯравӣ дар соли 1988 тамоми силоҳу муҳимоти ғаниматмонда аз Артиши Сурхро ин кишвар ба қаламрави худ интиқол дода буд. Ин дафъа низ бо суқути Кобул дар таърихи 15 августи соли 2021 ба дасти "Толибон" техникаву таҷҳизоти низомии Амрико ба Покистон рафт.
Аксҳо аз сафҳаҳои иҷтимоӣ ҷамъоварӣ гаштаанд. Аксари онҳо дар масир ва истгоҳи гузаргоҳҳои марзии Турхами Нангарҳор ва Спинбулдаки Қандаҳор гирифта шудаанд.
