Чаро Мулло Бародар ва мулло Яъқуб аз мулоқот бо намояндаи вижаи Путин худдори карданд?
Нависанда: Андрей Серенко, раиси Маркази таҳлилии Ҷамъияти сиёсатшиносони Русия
Ба гуфтаи чандин манбаъи огоҳ аз пойтахти Афғонистон, сафари моҳи январи Замир Кобулов, намояндаи вежаи раисҷумҳури Русия дар умури Афғонистон ба Кобул бо шикаст мувоҷеҳ шуд.
Ба гуфтаи онон, Замир Кобулов пас аз вуруд ба Кобул пас аз таътилоти Соли Нав, чандин нишаст муҳимро барнома рези карда буд. Ба вежа, фиристодаи вежаи Русия қасд дошт бо Мулло Абдулғанӣ Бародар, муовини нахуствазири ҳукумати Толибон ва Мулло Муҳаммад Яъқуб, вазири дифоъи Толибон (раҳбарон ҷиноҳи Қандаҳор дар раҳбарии ҳукумати Толибон) гуфтугӯ кунад.
Аммо Бародар ва Яъқуб ҳар ду аз мулоқот бо Кобулов худдорӣ карданд.
Замир Кобулов ҳамчунин аз Толибон хост то ба вай иҷоза диҳанд бо Ҳомид Карзай, раисҷумҳури пешини Афғонистон дидор кунад. Аммо ин дархости фиристодаи вежаи раисҷумҳури Русия низ рад шуд.
Ба гуфтаи яке аз манобеъ, Замир Кобулов гӯё бо худ аз Москва ба пойтахти Афғонистон "як тоҷири паштуни хос"-ро оварда то дар мавриди проектҳои муштараки иқтисодӣ гуфтугӯ кунад: "Аммо ҳамон тур, ки мегӯянд, ҳеҷ баҳси босамаре дар мавриди мавзӯъоти воқеӣ сурат нагирифтааст. Ин тоҷири паштун дар ҷое дар Кобул нопадид шуд."
Дар натиҷа, Замир Кобулов дар чанд рӯзи иқомати худ дар пойтахти Афғонистон танҳо тавонист бо Мулло Амирхон Муттақӣ, вазири умури хориҷаи Толибон (ба дур аз вазнаи сангин дар силсиламаротиб (иерархия)-и сиёсии Толибон), Роза Отунбоева, намояндаи вежаи Созмони Милал ва Димитрий Жирнов, сафири Русия дар Афғонистонро мулоқот кунад.
Бо таваҷҷуҳ ба ин ки Замир Кобулов қаблан дар моҳи марти 2022 ба Кобул парвоз карда буд, яъне тақрибан як сол аст, ки дар ҳавзаи масъулияти мустақими расмии худ набудааст, чунин бардошти ночизе аз тамосҳо ва музокирот танҳо метавонад як маънӣ дошта бошад: раҳбарони Толибон алоқа худро ба иртибот бо фиристодаи вежаи раисҷумҳури Русия дар умури Афғонистон аз даст додаанд.
Манобеъ аз иддаоҳои шахсии раҳбарони Толибон алайҳи Кобулов хабар медиҳанд, ки гуфта мешавад, бар асос ваъдаҳое аст, ки мақоми русӣ амал накардааст (мо феҳристе аз иддаоҳоро дорем, аммо онро нақл намекунем).
Ба ҳар ҳол, бадеҳист, ки раҳбарони Толибон ҳозир нестанд бо Замир Кобулов гуфтугӯи ҷиддиро фаротар аз ҳошияи гуфтугӯҳои беҳудаи дипломатии умумӣ анҷом диҳанд.
Шикасти маъмурияти январии Кобулов дар Кобул, бори дигар бар заъфи мавқеияти Русия дар Афғонистони имрӯз таъкид мекунад.
Бадеҳист, ки ин натиҷагирии ғамангезе дар пасзаминаи фаъолияти физоянда дар Афғонистон ва бозиҳои сиёсии атрофи Афғонистони руқабои амрикоии Кремл аст.
