Музокироти Ҷабҳаи муқовимати миллии Афғонистон ва “Толибон” дар Теҳрон, ки аз 8 то 10 январи соли равон баргузор шуд, дар миёни ҷомиа сарусадои зиёдеро ба бор овард. Аз ҷумла бархе ин музокиротро мавриди интиқоди шадид қарор дода, гуфтанд, ки бо як гуруҳи ғайримашруъ сари мизи музокирот нишастани амири ҷабҳа Аҳмади Масъуд шикасти дипломатии Ҷабҳаи муқовимат аст.
Аммо доктор Яъқуб Лайс Саффор мегӯяд, Аҳмади Масъуд дар ин музокирот бурд ва як роҳбарии фарзонавореро ба намоиш гузошт.
Муаллиф: ЯЪҚУБ ЛАЙС САФФОР
Манбаъ: сафҳаи фейсбукии Солеҳ Муҳаммади Регистонӣ
Якум: Сухан бар сари он аст, ки чаро Аҳмади Масъуд раҳбари Ҷабҳаи муқовимати миллӣ бо Иморат музокира кунад. Сухани бисёре ин аст, ки мебояд фақат аз роҳи милаи туфанг сухан занад, чун “Толибон” ғайр аз забони туфанг забони дигарро намедонанд.
Дувум: Ҳар муқовимат ва ҳар ҷабҳа аз худ таърих дорад, муқовимати ҷабҳаи миллии дувум, имрӯз по ҷои пои муқовимати миллии аввал, гузоштааст. Муқовимати аввал машрӯъияти раҳбарии фараҳмандонаи устод Раббонӣ ва машрӯъияти харизматики раҳбарии Қаҳрамон миллиро бо худ дошт ва аз манзари байналмилалӣ курсии давлат дар Милали Муттаҳидро бо худ дошт, сафиру сафоратхонаҳоро низ ба ҷуз дар се кишвар (Саудӣ - Покистон - Аморот) таъйин мекард.
Севум: Ҷабҳаи муқовимати миллии дувум, он машрӯъияти харизматик ва байналмилалии муқовимати аввалро бо худ надорад. Раҳбари муқовимати дувум ниёзманд аст, ки ин раҳбариро камоӣ кунад ва бо роҳкорҳои дипломатӣ ва роҳбурдҳои низомии қавӣ ба даст биоварад.
Чаҳорум: Аҳмади Масъуд дар музокироти Теҳрон бо миёнҷигарии Ҷумҳурии Исломии Эрон нахустин корномаи раҳбарии доҳиёнаву зиракона ва фарзонагии худро ба намоиш гузошт ва дастовардҳои милливу минтақаӣ ва чӣ басо байналамилалиро ба даст овард.
Панҷум: дар буъди аслии ҷабҳа ӯ раёсати ҳайати музокираро ба амир Исмоилхон муҳаввал кард. Ин тасмими ӯ собит сохт, ки вай таъйиди раҳбарӣ ва мардуми ҷанубу ғарбро дар чорчӯби раҳбарии Ҷабҳаи муқовимати миллӣ бо худ дорад ва бузургдошти ӯ аз Исмоилхон, ба маънои ин аст, ки ӯ ба хубӣ одоби дипломатияи миллиро медонад ва ӯ аз хонаводаи шариф ва тамаддуни олӣ бархостааст.
Шашум: дар буъди миллӣ ҳозир шудани дастгоҳи дипломатии Иморати “Толибон” барои музокира бо ҳайати Ҷабҳаи муқовимати миллӣ, ба ин маъност, ки онҳо ин ҷабҳаро ба унвони ҷабҳаи сиёсӣ ва низомии пурқувват ва таъсиргузор ба расмият шинохтаанд. Дар ҳоле ки “Толибон” эълом мекунанд, ки ҳатто дар як қария ва русто ҳам муқовимат ҷараён надорад.
Ҳафтум: дар буъди минтақаӣ дастоварди ин музокирот ин аст, ки Ҷумҳурии Исломии Эрон Ҷабҳаи муқовимати миллӣ ва раҳбари онро ба расмият шинохтааст. Эрон ин миёнҷигариро ба машварати Русия ва Чин анҷом додааст. Ва ин ба маънои ба расмиятшиносии минтақаии Ҷабҳаи муқовимати миллӣ дар буъди сиёсӣ ва низомӣ аст.
Ҳаштум: барасмиятшиносии Ҷабҳаи муқовимати миллӣ ба Эрон маҳдуд намемонад ва дер ё зуд Русия низ пои миёнҷигариро пеш мекашад, ки худ тақвияти барасмиятшиносии байналмилалии Ҷабҳаи муқовимат аст.
Нӯҳум: Ҷабҳаи муқовимат ниёзманди як ҷабҳаи таблиғотӣ аст, то ин дастовардҳои калонро ба миллат ва ҷаҳон бинамоёнад.
Даҳум: охирин дастовард ин аст, ки Эрон ба Ҷабҳаи муқовимати миллӣ дар ҳузури ҳар ду ҳайати музокира ваъда додааст, ки ҳукумати такқавмии “Толибон”-ро ба расмият намешиносад.
Ин музокирот нишон медиҳад, ки Аҳмади Масъуд ҷои пои Қаҳрамони миллӣ пой мондааст ва ӯ дигар як раҳбари фарзонаву воқеиятгаро ва дорои эътибори минтақаӣ аст. Бар хилофи душманон, ки ӯро як ҷавони бетаҷриба медонанд. Ман ин раҳбариро ба ӯ табрик мегӯям ва хештанро яке аз пайравони ӯ медонам.
