Мақомоти Ӯзбекистон мегӯянд, ҳамлаи мушакӣ ба хоки ин кишвар талафоти ҷонӣ надоштааст.
МАЗОРИ ШАРИФ, 05 июл – Сангар, Қорӣ Аҳмад. Тақрибан соати 4.30 баъд аз зӯҳр як гуруҳи террористӣ аз Афғонистон қаламрави Ӯзбекистонро мавриди ҳамлаи мушакӣ қарор дода буд.
Вазорат умури хориҷаи Ҷумҳурии Ӯзбекистон эълом кард, ки “хисороти ночизе ба чаҳор хонаи шахсӣ дар маҳаллаи Маҷнунтоли шаҳри Тирмиз ворид шуд ва панҷумин гулӯла дар замини майдони футбол пайдо шудааст”.
Бино ба ин манбаъ, ин гулӯлаҳо тавассути як воҳиди снайперӣ хунсо шудааст.
Қаблан як манбаъ аз пулиси вилояти Балх ба хабарнигори вебсайти Сангар дар таъйиди ин хабар гуфт, ки ҳамлаи мушакӣ аз минтақаи Ҷаратани рустои Туқайи шаҳристони Шӯртеппаи ин вилоят сурат гирифтааст.
“Афроди ношинос мушак – ракетаҳоро дар як мошини навъи “Сузуки” насб карда, ба ҷониби Ӯзбекистон шаш андохт кардаанд. Мошин пурра сӯхтааст. Афродаш фирор кардаанд. Ин маълумот ҳаст, ки мушакҳо ба шаҳри Тирмизи ҷониби Ӯзбекистон афтода, чанд нафарро ҳам захмӣ кардаанд. Аммо ин маълумот дақиқ нест”, - гуфт манбаъ.
Бори аввал 18 апрел чунин як ҳамлаи мушакӣ анҷом шуда буд, ки масъулияти онро гуруҳи террористии ДОИШ ба дӯш гирифта буд.
БМ-12 – и худсохт: тафсилоти ҷадиди ҳамлаи ДОИШ ба Ӯзбекистон
“Иғво!” – вокуниши Тошканд ба ҳамлаи ДОИШ
