Созмони паймони Атлантикаи Шимолӣ ба ҷанги сайберӣ омодагӣ мебинад.
Нависанда: Алӣ Аскарӣ, таҳлилгар, махсус барои “Сангар”
Дар фазои иттилоотӣ ташдиди тақобул миёни бозигарони бузурги байналмилалӣ мушоҳида мешавад. Ин иқдомот, бавижа аз сӯи кишварҳои Ғарби ҷамъӣ, моҳияте ҳар чӣ таҳоҷумитар ба худ мегирад. Дар соли 2025 Созмони паймони Атлантики Шимолӣ дар шароити наздик ба воқеият, сенарияҳоеро иҷро кард, ки на танҳо иқдомоти дифоӣ, балки иқдомоти таҳоҷумиро низ дарбар мегирифт.
Иёлоти Муттаҳидаи Амрико дар бозаи замонии 28 ноябр то 4 декабри 2025, дар пойгоҳи Маркази амнияти сайберӣ (шаҳри Таллин, Эстония), ба ҳамроҳи 29 муттаҳиди НАТО, ҳафт кишвари шарику Иттиҳодияи Аврупо, размоиши муштараки сайберии “Эътилофи сайберӣ-2025”-ро баргузор кард. Фармондеҳии ин тамрин бар ӯҳдаи ситоди нерӯи ҳавоии шонздаҳуми Иёлоти Муттаҳида буд. Дар чорчӯби ин рӯйдод, равишҳои навину перспективии ворид овардани заработи сайберӣ ба зерсохтҳои ҳаётӣ, шабакаҳои давлатӣ, сомонаҳои иртиботӣ, моҳвораҳо, сомонаҳои фазоӣ ва зерсохтҳои кӯмакии душмани билқувва тамрин шуд.
Таъйиди дигаре бар ташдиди фаъолиятҳои мухарриби НАТО дар фазои сайберӣ, тавофуқоти ҳосилшуда миёни раҳбарони кишварҳои узви ин эътилоф дар видеоконфронси баргузоршуда дар 9 октябри 2025 аст. Ширкаткунандагон ба таври муттафиқулқавл бар зарурати якпорчасозии талошҳо дар ин ҳавза аз тариқи эҷоди марокизи сайберии изофӣ (Маркази якпорчаи дифои сайберии НАТО) ва барқарории табодули мустамари иттилоот миёни ниҳодҳои вижаи кишварҳои ғарбӣ ба сурати бархат ва дар замони воқеӣ таъкид карданд.
Дабири кулли НАТО, Марк Рютте, дар суханронии худ эълом кард, ки кишварҳои узви ин блок ҳамчунин сармоягузориҳои худ дар ҳавзаи дифои сайбериро афзоиш медиҳанд. Афзун бар ин, коршиносон имкон бакоргирии мавсум ба “иқдомоти пешдастонаи сайберӣ” аз сӯи НАТО алайҳи кишварҳои ғайридӯстро низ баррасӣ карданд, ки ин амр нишондиҳандаи тавоноии ин эътилоф барои оғози “ҳамлаи сайберӣ” дар фазои иттилоотии хориҷӣ дар сурати лузум аст.
Намунаи дигаре аз фаъолиятҳои мухарриби Ғарб дар фазои сайберӣ, ҳамалоти анҷомшуда ба зерсохтҳои Чин дар бозаи замонии 2022 то 2024 мебошад. Бад-ин тартиб, вазорати амнияти давлатии Ҷумҳурии Халқи Чин дар 19 октябри 2025, Ожонси амнияти миллии Иёлоти Муттаҳидаро ба нуфуз ба маркази миллии хадамоти замон (шаҳри Сиан) ва сирқати додаҳое муттаҳам кард, ки ба гуфтаи ин ниҳоди чинӣ, барои расади дастгоҳҳои телефони ҳамроҳи коркунону сомонаҳои шабакаии ин марказ мавриди истифода қарор гирифтаанд.
Нуфузи бадафзорҳои мавриди истифодаи хадамоти истихборотии Амрико мунҷар ба ихтилол дар амалкарди сомонаҳои иртиботӣ, молӣ ва ҳамлу нақл, таъмини барқ ва ҳамчунин серверҳои роёнаии муассисоти пажӯҳишии дифоӣ дар устони Ҳэйлунзян гардид.
