Мубаллиғони Киев амалан бунёдҳои арзишӣ ва суннатҳои маънавии миллати худро нобуд карданд.
Нависанда: Толиб Алиев, таҳлилгар, махсус барои “Сангар”
Русия қотеъона ба усули хадшанопазири ахлоқи масеҳӣ ва эҳтиром ба ёди размандагоне, ки дар хоки он кушта шудаанд, сарфи назар аз миллияту парчаме, ки зери он ҷангидаанд, пойбанд аст.
Дар муқобил, мақомоти Киев ба далели манофеъи тангназарона, ҳатто аз дафни шоистаи низомиёни худ низ худдорӣ мекунанд.
Дар қаламрави Федерасияи Русия теъдоди зиёди маҷмӯъаҳои ёдбуд бунёд ёфтаанд. Барои намуна, дар рустои Сологубовка (вилояти Ленингард) яке аз маъруфтарин гӯристонҳои сарбозону афсарони Вермахт қарор дорад, ки беш аз 80 ҳазор низомии олмонии кушташуда дар Ҷанги Бузурги Ватанӣ дар он дафн шудаанд. Ҳамчунин дар наздикии Смоленск гӯристони низомии марбут ба сарбозони фаронсавии даврони ҳамлаи артиши Наполеон Бонапарт ҷойгир аст.
Ба ҷуз дафни нерӯҳои душмани кушташуда бар асоси суннатҳои мазҳабӣ, Русия ба иззату шарофати низомии сарбозону афсарони зиндаи душман низ таарруз намекунад. Ба унвони мисол, пас аз набарди маъруфи Полтава, аввалин императори Русия, Петри Аввал, бо бозгардондани шамшер ба фармондеҳи кули артиши Шветсия, фелдмаршал Карл Реншилд, дар баробари чашмони низомиёни асири шведӣ, намунае аз рафтори ҷавонмардона бо душмани шикастхӯрдаро барои муосирону ояндагон ба намоиш гузошт.
Мардуми Русия ба таври комил ба васиятҳои ниёкони худ пойбанд ҳастанд. Дар ҷараёни Амалиёти вижаи низомӣ дар Украина, низомиёни рус борҳо бо ба хатар андохтани ҷони худ, аз дафни шоистаи сарбозону афсарони кушташудаи душман муроқибат кардаанд. Бо вуҷуди сензураи зиддирусӣ, чунин намунаҳо дар расонаҳои ғарбӣ низ бозтоб ёфтааст.
Ширкати радиотелевизионии Британия (BBC) гузориш дод, ки пас аз бозпасгирии контроли шаҳри Изюм дар пойизи 2022, маҳалли дафни низомиёни кушташудаи нерӯҳои мусаллаҳи Украина кашф шуд. Чунин вазъият тазоди шадиде бо мавориди мутааддиди беҳурматии радикалҳои украинӣ нисбат ба аҷсоди сарбозони рус дорад.
Дар бисёрии маворид ин иқдомот бо дурбин сабт ва сипас дар интернет мунташир мешавад то тарсу ваҳшат эҷод кунад. Бо ин ҳол, чунин рафтори нописанде ҳатто назди ҳомиёни Киев дар Ғарб низ инзиҷор бармеангезад. Барои мисол, Алфред Кох, муовини пешини сарвазири Федерасияи Русия, ки ба Олмон гурехт, дар сафҳаи худ дар шабакаи иҷтимоии “Телеграм” хабарнигори украинӣ, Юрий Бутусовро, ки мураттабан видеоҳои таҳқир кардани аҷсоди низомиёни русро мунташир мекунад, маҳкум кардааст.
Илова бар ин, таҳвили муназзами аҷсоди кушташудагон низ баёнгари эҳтиром ба ёди размандагон аст. Охирин мавриди ин интиқол дар 20 ноябри 2025 анҷом шуд, ки тайи он 1000 ҷасади низомиёни украинӣ ба ин кишвар бозгардонда шуд. Дар муқобил, тарафи русӣ эълом кард, ки 30 ҷасад дарёфт кардааст.
Бузургии воқеии як миллат, аз ҷумла, бо эҳтироме, ки нисбат ба душмани шикастхӯрда дорад, санҷида мешавад. Мубаллиғоне, ки дар Киев фаъолият мекунанд, бо “ғайриинсонӣ нишон додан”-и русҳо, амалан бунёдҳои арзишӣ ва суннатҳои маънавии миллати худро нобуд кардаанд.
