Ин тоифа мӯҷиби осеб ба эътимоди умумӣ ва манофеъи кишвар мешаванд.
Нависанда: Аҳмад Саидӣ, таҳлилгари масоили Афғонистону минтақа (Олмон), махсус барои "Сангар"
Дар ин навишта мехоҳам вежагиҳои як сиёсатмадори хоинро хидмати шумо ироа намоям.
Ба ақидаи ман, сиёсатмдори хоин маъмулан бо рафторҳо ва иқдомоте шинохта мешавад, ки ба манофеъи умумӣ ва эътимоди мардум осеб мезананд. Бархе аз вежагиҳои ин навъ сиёсатмдоронро қарори зайл ташреҳ менамоям.
1 - Хиёнат ба эътимоди умумӣ: сиёсатмдори хоин маъмулан аз эътимоди мардум сӯистифода мекунад ва ба ваъдаҳои худ амал намекунад.
2 - Фасод ва сӯистифода аз қудрат: ин сиёсатмадорон ғолибан даргири фасоди моливу идорӣ ҳастанд ва аз қудрати худ барои манофеъи шахсӣ ва гурӯҳҳои хос истифода мекунанд.
3 - Дурӯғгӯӣ ва пинҳонкорӣ: яке аз вежагиҳои боризи сиёсатмдорони хоин, дурӯғгӯии мудовим ва пинҳон кардани воқеиятҳо аз мардум аст.
4 - Авлавиятдиҳӣ ба манофеъи шахсӣ ё хориҷӣ: онҳо ағлаб ба ҷои манофеъи миллӣ, ба манофеъи шахсӣ, хонаводагӣ, ҳизбӣ ё ҳатто кишварҳои хориҷӣ аҳамияти бештаре медиҳанд.
5 - Фуқдони ахлоқу усул: ин афрод маъмулан ба усули ахлоқӣ ва виҷдони сиёсӣ пойбанд нестанд ва бар асоси манофеъи лаҳзаии худ тасмимгирӣ мекунанд.
6 - Тазъифи ниҳодҳои демократӣ: сиёсатмдорони хоин маъмулан ба тазъифи ниҳодҳо ва қавонини демократӣ мепардозанд то қудрати худро ҳифз ё афзоиш диҳанд.
7 - Сӯистифода аз манобеъи миллӣ: дастдарозӣ ба манобеъи умумӣ ва истифода аз онҳо барои мақосиди шахсӣ ё барои тасбити қудрат, яке дигар аз вежагиҳои ин афрод аст.
8 - Эҷоди тафриқаву шикоф дар ҷомеа: онҳо мумкин аст ба доман задан ба ихтилофоти қавмӣ, мазҳабӣ ё сиёсӣ барои ҷалби ҳимояти гурӯҳе хос бипардозанд ва аз ваҳдати миллӣ ҷилавгирӣ кунанд.
Ин вежагиҳо мумкин аст дар ашколу шиддатҳои мухталифе дар сиёсатмдорони хоин дида шаванд, аммо ҳама онҳо ба навъе мӯҷиби осеб ба эътимоди умумӣ ва манофеъи кишвар мешаванд.
Ба ақидаи шумо кадом як аз сиёсатмадорони Афғонистон одату хислатҳоеро, ки фавқан тайи 8 мода ташреҳ кардаам, доштаанд?
