Сарнавишти Юшенко ва Березовский ба сари кӣ хоҳад омад?
Нависанда: Толиб Алиев, таҳлилгар, махсус барои “Сангар”
Ҷиноҳи неолиберали истеблишменти демократ, умдатан Байден, Клинтон, Сорос ва хонаводаҳои дигар, ки мухолифи маъмурияти ҷадиди Иёлоти Муттаҳида ҳастанд, дар талошанд то ибтикороти сулҳи Кохи Сафедро барои ҳалли мунозиъаи Русияву Украина барҳам бизананд. Татбиқи чунин планҳо бояд то ҳадди мумкин ояндаи сиёсии Доналд Трамп, раисҷумҳури Иёлоти Муттаҳидаро ба чолиш андозад ва шароити интиқом барои Ҳизби демократ дар маъракаи интихоботии 2026-2028-ро мусоид созад.
Дар ин замина, наметавон рад кард, ки дар ояндаи наздик як фитнаи пурсарусадое алайҳи яке аз сиёсатмадорони машҳури русситез бо ҳадафи муттаҳам кардани Федератсияи Русия ва созмондеҳии як маъракаи расонаии марбут ба он роҳ уфтад. Яке аз гузинаҳо метавонад ин бошад, ки корти маъруфи дар гузашта ба такрор истифодашуда ба бозӣ гирифта шавад, он ҳам ироаи як қурбонии муқаддас аз байни раҳбарони назариёти зиддирусӣ аст. "Инҳилол" ё “аз байн бурдан” метавонад таҳти пӯшиши як амалиёти хадамоти вежаи Русия ба хӯрди омма дода шавад, ки дар пайи он як "илтиҳоби русситезӣ" дар миқёси бузург дар расонаҳо барпо мешавад ва тибқи интизориҳои мухолифини Доналд Трамп, ба тамосҳои давлати ӯ бо Кремл таъсири манфӣ мерасонад ва дар натиҷа, ибтикороти таҷдиди назар дар асосҳои сиёсатҳои хориҷии Вашингтон масдуд хоҳад шуд.
Пеш аз ин ғарбиҳо борҳо аз рӯйдодҳои пурсарусадои марбут ба марги мармуз ё иқдом ба қатли мухолифони сиёсии Маскав барои беэътибор кардан он дар саҳнаи ҷаҳонӣ ва тавҷеҳи ниёз ба боздории Русия истифода кардаанд, ҳатто то ҳадди эъломи "ҷанги таҳримҳо" ва роҳ андохтани даргириҳои маҳаллӣ аз Қафқози Шимолӣ ва Гурҷистон то Украина. Боризтарини намунаҳо масмумияти ҳангомадори Виктор Юшенко, раисҷумҳури пешини Украина (қабл аз раъйгирии интихоботи 2004) ва ҳамчунон марги мармузи алигархи фирории рус Борис Березовский (дар соли 2013) дар аснои талошҳои навмедонаи ӯ барои баргашт ба ватан ва сафедсозии худ дар чашми раисҷумҳури Федератсияи Русия Владимир Путин аст.
Дар ҳоли ҳозир, аҳдофи эҳтимолии фитнаҳои ғарбӣ мумкин аст афроде бо мақоми расмӣ ё ғайрирасмии боло бошанд, ки дар фазои расонаӣ машҳур ҳастанд, аммо дар айни замон, ҳеҷ арзиши воқеиро барои истеблишменти Амрико-НАТО надоранд. Ин гуна сиёсатмадорон ба вузӯҳ равобити наздик бо созмонҳои истихбороти Ғарб доранд ва аз ин рӯ, ҳимояти молӣ ва иттилоотӣ дарёфт мекунанд. Бо вуҷуди шуҳрати болои чунин афрод, сатҳи ҳимояти мардумии онҳо поин аст.
Дар айни замон, назар ба як тарҳи собитшудаи куҳна, ғарбиҳо аз қабл шурӯъ ба ташкили пешинаи лозим перомуни "ҷиноёт"-и Маскав кардаанд. Аз ҷумла, дар ноябри 2024, сафири собиқи Украина дар Бритониё Вадим Пристойко дар як мусоҳиба бо маҷаллаи бритониёии “Экономист” изҳор дошт, ки дар ҷараёни се моҳи оянда Русия "талош хоҳад кард то раҳбарии Украинаро бикушад."
Дар айни замон, набояд аз иқдомоти қолабии созмонҳои истихбороти ғарбӣ, ки аз як тарҳи собитшуда барои роҳандозии "ҷаъл(фейк)ҳо" дар як фазои роҳати сонсури комил дар расонаҳои таҳти контроли худ истифода мекунанд, тааҷҷуб кард. Таҳти ин шароит, иттиҳомоти дурӯғин алайҳи Русия ниёз ба шавоҳид надорад ва тавассути мухотибон дар Иёлоти Муттаҳида ва Аврупо, ба унвони як қоида, бидуни қайду шарт пазируфта мешавад. Ин мавридро аз ҷумла узви парлумони Аврупо аз Булғористон, Петр Волгин, ки бар мушкили коҳиши тавоноии ҷомеаи ғарбӣ дар дарку таҳлили мантиқии ҷараёнҳои иттилооти пахшмешуда ишора кард, баён шуд.
