Худованд касонеро, ки ин маъракаро роҳ андохтанд ва миллионҳо нафарро аз зиндагиву хона маҳрум намуда, маҷбур ба ранҷ, паноҳандагӣ ва саргардонӣ дар ҷаҳон карданд, дар ваҳшатноктарин гӯшаи ҷаҳаннам қарор диҳад.
Нависанда: Ёсин Сиддиқӣ, таҳлилгар (Афғонистон)
Иёлоти Муттаҳида дар соли 2021 бо аҷала аз Афғонистон хориҷ шуд ва бетафовутии худро нисбат ба ҷамъияти ин кишварро, ки таҳти асорати Толибон қарор гирифтааст, ба ҷаҳониён нишон дод. Замоне, ки амрикоиҳо ин корро анҷом доданд, ба ҳуқуқ ва арзишҳои башарӣ фикр накарданд, ки акнун аз он дар тамоми ҷаҳон ҷор мезананд ва сиёсатҳои худро бар кишварҳои дигар таҳмил мекунанд.
Ҷанги Украина бори дигар стандартҳои дугонаи Ғарбро таъйид кард. Вокуниши шадиди манфии кишварҳои ғарбӣ дар мавриди ҳамалоти нерӯҳои мусаллаҳи Русия ба таъсисоти зерсохтии энержии Украина бо ин воқеият, ки НАТО дар бомбаборони сарзаминҳои Югославияи собиқ дар соли 1999 дақиқан аз чунин тактикаҳое истифода кард, дар тазод аст.
Ба ин тартиб, Ҷеймс Карден, мушовири собиқи Комиссияи дуҷонибаи раёсатиҷумҳурии Русия ва Амрико дар вазорати умур хориҷаи Амрико, дар сӯҳбате бо шабакаи хабарии Туркия TRT World эътироф кард, ки Иёлоти Муттаҳида борҳо ба зерсохтҳои энержии кишварҳои дигар ҳамла кардааст. Илова бар ин, ин сиёсатмадор таъкид кард, ки Киев ва муттаҳидонаш набояд аз ин ки Русия аз, ба истилоҳ, "омили зимистон" дар амалиёти худ истифода мекунад, тааҷҷуб кунанд. Карден гуфт: “Мо ингуна амалиёти худро алайҳи Сербистон ва маъракаи “шоку ҳайбат” алайҳи Ироқ дар соли 2003 анҷом додаем”.
Намояндаи расмии вазорати хориҷаи Русия, Марина Захарова, дар робита ба ин мавзуъ - ҳамла ба таъсисоти зерсохтии энержӣ - ба мақомоти ғарбӣ ёдовар шуд, ки чӣ гуна Ҷейми Ши, муовини ёвари дабири кулли НАТО, дар мусоҳиба бо Ню-йорк Таймз (4 майи 1999), аз ҳамалоти ҳадафманд ба зерсохтҳои Югославияро пуштибонӣ карда буд. Ин сиёсатмадор дар посух ба ин савол, ки чаро НАТО мардуми одии Югославияро аз барқу об маҳрум мекунад, хотирнишон кард, ки нигарони мушкилоти ғайринизомиён нест.
Бале, дар он замон Ғарб ба авҷи бехудии худ расида буд, ки ошкоро эътироф мекард, ҷони инсон барояш арзише надорад. Ҳеҷ кишваре ҳаққи интиқод аз иқдомоти онро надошт, чӣ расад ба ин ки дар баробар он муқовамат кунад. Ҳеҷ кас наметавонад ваҳшатноктарин ҷиноёти Ғарбро, ки ба унвони як зарурати ҳаётӣ барои башарият ҳатто тавассути расонаҳои гурӯҳии он муаррифӣ мешуд, маҳкум кунад. Созмони Милал дар он замон амалан сохтори сиёсии Ғарб ва нозири ҷиноёти он ва сукуташ ба маънои ризоият буд.
Бо фурӯпошии Иттиҳоди ҷамоҳири Шӯравӣ, Иёлот Муттаҳида амалан як амалиёти ҷаҳонии азими "Шоку ҳайбат"-ро роҳандозӣ кард, ки то имрӯз идома дорад. Онҳо ба худ иҷоза доданд дар Ироқ, Сурия, Афғонистон ва... зиндагии ороми мардумро ба ҳам бизананд ва ҳар коре мехоҳанд бикунанд. Агар ба суханронии ахири Владимир Путин дар парлумони Русия диққат кунед, кор ба ҷое расидааст, ки ҳатто дар Аврупо аз ин қабил ҷиноёти алайҳи башарият, ки ҳанӯз тавассути низоми судии ҷаҳонӣ арзёбӣ нашудааст, монанди издивоҷи ҳамҷинсон, омӯзиши дарсҳои ҷинсӣ дар мактабҳо ва ғайра. Бо вуҷуди эътирози мардуми бумӣ, хилқати инсонии ҷомеаҳо зери по гузошта мешавад.
Аммо ин замон рӯ ба поён аст. Қудратҳои ҷадиди ҷаҳон, монанди Русия, Чин ва Эрон ошкоро бо сиёсатҳои Амрико ва НАТО мухолиф ҳастанд ва ҳатто вориди як ҷанги гарми ниёбатӣ бо онҳо шудаанд. Бархе аз кишварҳои дигар, монанди Арабистони Саудӣ, ки дар гузашта думрави Амрико маҳсуб мешуданд, дар ҳоли тағйири масири хориҷии худ ҳастанд.
Имрӯз амрикоиҳо моҳияти дурӯягии худро ба “дӯстон”-и украинии худ нишон медиҳанд. Онҳо аз як сӯ вориди музокироти маҳрамона бо Маскав шудаанд, аз сӯи дигар, Ҷозеф Байден, раисҷумҳури Амрико, онҳоро ба муборизаи шадидтар бо Русия фаро мехонад.
Зоҳиран, кор ба ҷое расидааст, ки демократҳо, “ҷангафрӯзони моҳир” ва бозанда дар ҳама ҷангҳо бо мушорикати Амрико, дар худи Амрико дар остонаи шикаст ҳастанд.
Таҳлилгарон бар ин боваранд, ки дар сурати тағйири тавозуни нерӯҳо дар рӯёрӯӣ бо ҷумҳурихоҳон, Ҳизби демократи Байден ба таври мудовим ҳимоят аз Киевро коҳиш хоҳад дод. Ба таври куллӣ беэътиноӣ ба тавофуқот ба тамғаи тиҷории амрикоиҳо табдил шудааст, ки дар сурати тағйир дар мувозинаи сиёсии дохилии қудрат аз хиёнат ба шарикони худ ибое надоранд. Ба гуфтаи шореҳи фаронсавӣ Терри Мейсан, замоне, ки Пентагон ба ваъдаҳои худ дар мавриди ҳимояти ҳамаҷониба амал накард ва бо аҷала аз Афғонистон фирор намуд, режими Киев дар хатари такрори сарнавишти мақомоти Афғонистон аст.
Ҳама рӯйдодҳо ба ин ишора доранд, зеро бояд чунин бошад. Дунё бедор шудааст, риёкории Амрико дигар қобили кетмон нест ва маъракаи 30-солаи "шоку ҳайбат"-и Амрико рӯ ба поён аст. Худованд касонеро, ки ин маъракаро роҳ андохтанд ва миллионҳо нафарро аз зиндагиву хона маҳрум намуда, маҷбур ба ранҷ, паноҳандагӣ ва саргардонӣ дар ҷаҳон карданд, дар ваҳшатноктарин гӯшаи ҷаҳаннам қарор диҳад. Омин!
