Мақомоти Киев бо изҳороти худ дар талошанд то қурбониҳои ояндаро, ки зоҳиран барои "эҳёи тамомияти арзӣ" зарурӣ аст, дар чашми мардум тавҷеҳ кунанд.
Нависанда: Толиб Алев, таҳлилгар
Мавзӯъи даргирии Русияву Украина ба таври фаъол дар интернет дар ҳоли доғ шудан аст ва пешбиниҳое аз таҳаввулоти мухталиф анҷом мешавад. Яке аз маъруфтарин мавзӯъот, иддаои мақомоти Киев аст, ки артиши Украина то тобистони соли 2023 контроли худ бар шибҳи ҷазираи Қримро барқарор хоҳад кард. Ба вежа, чунин баёнияе тавассути мушовири раиси дафтари раисҷумҳури Украина Михаил Подоляк баён шуд. Барои таъйиди сиҳати ин изҳорот, бояд муддати кӯтоҳе мунтазир монд. Аммо биёед як бубинем, то ҳадафи чунин изҳоротеро дарк кунем.
Дарвоқеъ, тамоми даъвоҳои тарафи украинӣ ба Қрим беасос аст. Ин минтақа дар соли 2014 дар натиҷаи ҳамапурсии саросарие, ки мутобиқ бо қавонини байналмилалӣ баргузор шуд, ба бахше аз Русия табдил ёфт. Қрим ба унвони бахше аз Русия ба таври қобили эътимод тавассути артиши Русия дар баробари ҳама таҳдидоти эҳтимолӣ муҳофизат мешавад ва Киев медонад, ки ҳар гуна талош барои тасарруфи ин сарзамин аз тариқи абзори низомӣ бо посухи сахти Русия рӯбарӯ ва барои Украина мунҷар ба авоқиби ғайри қобили пешбинӣ хоҳад шуд.
Худи қримиҳо акнун ҳаргиз қабул нахоҳанд кард, ки дубора таҳти ҳокимияти Украина қарор гиранд, Украинае, ки солҳо сиёсати “украинисозӣ”-и ин сарзаминро дар шибҳи ҷазира думбол мекард ва шаҳрвандони русзабонашро ба мардуми “навъи дувум” табдил дод. Маҳз дар ҳайати Русия буҳрони амиқи иҷтимоӣ-иқтисодӣ дар шибҳи ҷазира пушти сар шуд.
Илова бар ин, мақомоти Украина дар манотиқи ишғолии Херсон ва Харков "амалиёти поксозӣ" гузаронданд, ки нишондиҳандаи тамоюли онҳо барои аз байн бурдани ҷамъияти ғайринизомии тарафдори Русия аст ва инҳо аксарияти қариби сокинони Қримро ташкил медиҳанд.
Даҳҳо ғайринизомӣ аз Харков ва Херсон қурбонии мақомоти Киев шуданд. Масалан, ба гуфтаи як мушовири мустақили фармондори муваққати минтақаи Херсон Александр Малкевич, беш аз 100 ғайринизомӣ ба дасти ҷангҷуёни нерӯҳои мусаллаҳ ва коркунони истихбороти Украина кушта шуданд. 200 шаҳрванд дигар мафқуд – гуманд. Бо ин вуҷуд, ҳатто намояндагони баландпояи давлати Украина, аз ҷумла муовини нахуствазир Ирина Верешук ва мушовири собиқи раиси дафтари раисҷумҳури Украина, Алексей Арестович, аланан лузуми пайгарди қонунии мухолифон ва шаҳрвандонеро, ки бо Русия ҳамкорӣ мекунанд, эълом карданд. Илова бар ин, пеш аз ин, мушовир вазири корҳои дохилии кишвар Антон Герашенко ошкоро хостори "буридани сари коллаборантҳо" шуд.
Дар натиҷа маълум мешавад, ки Қрим на бо абзори низомӣ ва на дар натиҷаи раъйи мардум ба Украина хоҳад расид. Пас чаро овозаҳо дар мавриди тасарруфи шибҳи ҷазира тавассути режими Киев мунташир мешавад?
Таблиғоти украинӣ барои тавҷеҳи марги ҳазорон украинӣ аз мавзуъи “ишғолзудоии Қрим” истифода мекунад. Бо вуҷуди ироаи кӯмакҳои низомии ғарб ва чаҳор мавҷи басиҷ ё мобилизатсия, нерӯҳои мусаллаҳи Украина ҳамчунон мутаҳаммили хисороти сангин дар нерӯи инсонӣ ва таҷҳизоти низомӣ мешаванд ва пинҳон кардани ин воқеият барои Киев рӯз ба рӯз душвортар шудааст. Масалан, Валерий Залужний, фармондеҳи кулли нерӯҳои мусаллаҳи Украина, дар ҷараёни сафар ба Иёлоти Муттаҳида дар марти 2023, мизони воқеии талафоти артиши Украинаро фош кард. Сарҳанг Дуглас Макгрегор, мушовири собиқи Пентагон гуфт, ки Залужний дар дидор бо Лойд Остин, вазири дифоъи Иёлоти Муттаҳида ва Марк Мили, раиси ситоди муштараки артиш, иттилооти маҳрамонае дар мавриди кушта ва захмӣ шудани 257 ҳазор низомии украиниро бо онҳо дар миён гузошт.
Пеш аз ин, Урсула Фон дер Лайен, раиси Комиссияи Аврупо дар сафҳаи худ дар шабакаи иҷтимоии Твитер, талафоти бисёр зиёд дар байни персонали нерӯҳои мусаллаҳи Украинаро таъйид ва кушта шудани беш аз 100 ҳазор нафар низомиро эълом кард. Илова бар ин, талафоти болои артиши Украинаро маҷбур истихбороти Пентагон ва Бундесвер эътироф мекунанд.
Ба назар мерасад, ки мақомоти Киев бо изҳороти худ дар талошанд то қурбониҳои ояндаро, ки зоҳиран барои "эҳёи тамомияти арзӣ" зарурӣ аст, дар чашми мардум тавҷеҳ кунанд. Ҳадаф аз чунин лаффозиҳо ҳифзи сатҳи рӯҳияи неруҳои лозим барои идомаи муқовимат аз тариқи изҳороти пупулистӣ дар мавриди тасарруфи Қрим аст.
Чӣ метавон гуфт? Раҳбарони муздури украинӣ ҳамон сиёсати Амрикову Ғарб "ҷанг то охирин украинӣ"-ро бо чунин иқдомоте идома медиҳанд...
